Pages

21/02/2021

Printempo alvenas!

Kunloĝantoj en la norda hemisfero, ĉu ne januaro ĉijare estis unu el la plej longaj monatoj de via vivo ankaŭ? Malbona vetero, senluma ĉielo, senfina enŝlosigo pro kronviruso... Sen la ebleco ĝui bonan manĝon en restoracio, kineje spekti filmon aŭ simple renkontiĝi kun geamikoj trinki teon, la monato estis longa!

Sed februaro fine alvenis kaj nun en la tria semajno de la monato aperas antaŭsignoj de printempo.  La tagoj iom post iom plilongiĝas. Alvenas printempo - hura!!!

narciso en la ĝardeno   
Narcisoj komencas flori en la ĝardeno


Printempaj krokusoj floras en la parko

Flavaj krokusoj
Belaj krokusoj!

Cetere, mi scias ke miaj artikoloj ĉi tie estas iom malregulaj, sed vi povas ankaŭ sekvi min ĉe Instagramo aŭ ĉe Tvitero (ambaŭ @sprigofheather).



05/09/2020

Urba naturrezervejo

La urbo Kardifo estas ĉirkaŭita de tre bela kamparo kaj montaro sed, fakte, oni ne devas vojaĝi ekster la urbon por ĝui la naturan medion.

Ĉirkaŭ 1km for de mia domo troviĝas industria zono, kun fabrikoj kaj butikegoj. Ĉiam estas laŭta bruo de trafiko kaj verturilhaladzo.

industria zono

Sed prenu vojeton malantaŭ unu el la fabrikoj kaj rapide vi sentos ke vi estas en sovaĝa kampara loko, sen bruo, sen haladzo, preta por 'arbarbanado':

La Naturrezervejo Howardian [haŭardian] situas en triangula terpeco inter tri vojegoj. Plejparte la butikumantoj en la vendejegoj eĉ ne suspektas ke ĝi ekzistas kaj mi vetus ke la plejmulto da Kardifanoj neniam vizitis ĝin.
 
Kvankam la loko ne estas grandega estas multaj esplorindaj vojetoj kaj belaj pikniklokoj inter la arboj.

Lageto estas la hejmo de galinoloj, platbekaj anasoj kaj ardeoj.



Se oni vizitas la rezervejon je mateniĝo aŭ krepusko, eblas vidi multajn bestojn, inkluzive vulpojn, sorikojn, gliredojn, ranojn, kaj ankaŭ diversajn birdojn.  Mi, tamen, tre malofte vekiĝas sufiĉe frue por esti tie por mateniĝo!

Iu eĉ kreis pendolilon (kiun mi tre ĝuis).

Plaĉas al mi trovi tiujn 'sekretajn ĝardenojn' meze de la urbo!

09/08/2020

Laŭ la Kimra Marborda Vojo

Kvankam mia domo troviĝas preskaŭ 1km for de la kimra marbordo, ĝi fakte troviĝas ĉe la nuna itereno de la Kimra Marborda Vojo [Wales Coast Path] kiu ĉirkaŭas la tutan marbordon de Kimrio.

Kiam ajn mi piediras al la proksima superbazaro Lidl mi ankaŭ estas promenante laŭ la Kimra Marborda Vojo:

Kimra Marborda Vojo

Mi plurfoje iom vagadis laŭ la Marborda Vojo okcidenten, al la golfeto de Kardifo, kaj al la urboj Penarth kaj Barry.  Sed dum longa tempo mi ne estis promenadante orienten.

Hieraŭ estis bela tago. Mi kaj Pudingulo sopiris iom ferieti.  Sed kiel mi jam rakontis, la marbordaj strandoj estas plenplene je homoj. 

Ni, do, decidis iom vagadi orienten laŭ la Marborda Vojo.

La unua parto de la vojo kondukis nin tra la parko Splott, kiun mi montris al vi la 27-an de aprilo.  Post tio, ni trapasis loĝejan kvartalon kaj industrian zonon, ĝis la vojeto kondukis nin denove sudorienten for de la aŭtoj kaj konstruaĵoj laŭ la direkto de la maro.

Kimra Marborda Vojo
Laŭ ĉi tiu vojeto oni piediras 1.7km de la vojo al la maro.

Wales Coast Path
La terspaco estas, nesurprize, marĉa kaj eblas trovi multajn diversajn plantojn kaj vidi vadantajn birdojn.

Plaĉis al ni atingi la grandajn spacojn apud la marbordo. Estis varme, sed tre agrable freŝa vento blovis.

La insuloj kiujn oni povas vidi meze de la foto nomiĝas Steep Holm (la granda) kaj Flat Holm (la ebena). Holm signifas 'insulo' en la malnovnordlanda lingvo, kaj montras la influon de la vikingoj en suda Kimrio.

La lando kiun vi vidas ĉe la horizonto estas Anglio (ni troviĝis ĉi tie),

La vojeto trapasas diversajn farmbienojn kaj ni eĉ renkontis bovinojn, sed mi ne fotis ilin! Mi ne timas bovinojn, sed ni diru ke mi estas iom singarda ĉar ili estas grandaj!

La la vojeto estas diversaj fortikaĵoj kiuj restas post la dua mondmilito kiam oni zorge gardis la marbordon. Ĉi tiu fortikaĵo nun funkcias kiel elektra subcentraleto.

Je ĉi tiu punkto ni konstatis ke ni estis marŝante 5 mejlojn (8.05km) kaj ĉar ni devis est ĉehejme je certa horo, ni do, devis rehejmeniri.

Feliĉe ĉehejme atendis nin kuko kiun mi estis kuiranta, do ni manĝis grandajn pecojn kun tasojn da teo.

Oni ofte opinias ke la partoj de la Marborda Vojo apud la grandaj urboj, estas malinteresaj kaj tro industriaj.  Sed, fakte, oni ja povas fari tre agrablan promenadon, spiri freŝan aeron kaj vidi interesajn panoramojn. Mi rekomendas ĝin!

08/08/2020

La Kronvirusa Taglibro 08.08.20

Mi multe okupiĝis lastatempe kaj, do, tute ne havis la okazon ion verki ĉi tie.  Hodiaŭ, tamen, estas sabato.  Tro varmas por eliri el la domo kaj mi havas ripoztagon.

Dum la pasintaj semajnoj la restriktoj rezulte de la kronviruso malpli severiĝis. Aldone al tio, ŝajnas ke ege multaj homoj simple nun decidis ĉion ignori.

Rezulte, pasintan semajnfinon, hieraŭ, kaj, verŝajne hodiaŭ, en Britio idiotoj amase veturas al diversaj marbordaj lokoj - kie ili sinrostas sub la rekta suno kaj malrespektas iujn regulojn pri distancigo unu de la alia.

En diversaj partoj de Britio oni decidis denove pli severigi la regulojn pro kreskanta nombro da infektitoj. Tio aparte okazas en parto de nordokcidenta anglio - kiu estas bedaŭrinde, ĉar ĝuste tie loĝas la patrino de Pudingulo. Li planis vojaĝi viziti ŝin por la unua fojo ekde februaro, sed nun ne rajtos.

strando ĉe barry
Hieraŭ matene ĉe apuda strando   







strando brajtono 
La strando ĉe Brajtono (sudorienta Anglio) hieraŭ.





 

golfeto de Kardifo
Postlasita rubo ĉe la golfeto de Kardifo pasintan sabaton (kiu tre ĝojigis la urbajn mevojn)

Hieraŭ ĉe la golfeto
 

Hieraŭ oni starigis barilojn klopodante malpermesi similajn problemojn ĉisemajno. Ĉiuokaze, estis denove arestitoj pro ebria kaj kontraŭsocia konduto.  Ni vidu kio okazos hodiau, sabaton!

Mi restos ĉehejme, sidos en la ĝardeno sub la bambuo, kaj legos.

13/06/2020

La Kronvirusa Taglibro 13.06.20 / The Coronavirus Diaries


Ripozas

A Bike Ride by Anne Mustoe
Dum kelkaj tagoj mi sentis min iom stresigita. Pro neniu vera kialo. Do ĉi-semajnfine mi decidis bone ripozi kaj pasigis la posttagmezon relegante la libron "A Bike Ride" [Bicikla Veturado] de la brito Anne Mustoe. Laŭ mia scio, ŝiaj verkaĵoj ekzistas nur en la angla lingvo - kiu estas bedaŭrinde.  En Bicikla Veturado ŝi rakontas kiel ŝi frue emeritiĝis meze de ŝia kvindekaj jaroj kaj decidis ĉirkaŭbicikli la mondon.  Mi jam kelkfoje legis la libron sed, ĉar estas tre detale, kun multe da referencoj pri historio, ĉiam valoras la penon relegi ĉar oni ĉiam iom pli lernas.

Kiam mi unue legis la verkaĵon antaŭ 30 jaroj, mi havis la impreson ke mi eble ne bone interkompreniĝus kun la aŭtoro.  Nun, kiam mi multe pli alproksimiĝas la aĝon kiun ŝi havis kiam ŝi verkis, mi sentas ke mi pli bone rilatus al ŝi.
Bedaŭrinde, la aŭtoro mortis en la jaro en la jaro 2009 pro malsano dum vojaĝo al Sirio, sed ŝi postlasis multajn rakontajn pri siaj diversaj vojaĝoj per biciklo kiuj valoras la legadon se vi scipovas la anglan.

Legante tiajn librojn mi ofte scivolas ĉu mia iam havus la kuraĝon simile vojaĝi perpiede aŭ perbicikle malkovri diversajn landojn.  Mi suspektas ke tro plaĉas al mi la komforta vivo en hoteloj.  Sed kiu scias...! Ĝis tiam, glaso da vino enmane, mi ĝuas la virtualan vagadon.

Fine



The Coronavirus Diaries: 13.06.20

Lazy day today, so really can't be bothered to do the English summary. If you want to read more about my restful day reading, you can learn Esperanto here. 😊😊😊

Never mind - have a linguist joke:

joke

07/06/2020

La Kronvirusa Taglibro 07.06.20 / The Coronavirus Diaries


Laboro

Mi estis kvieta dum kelkaj semajnoj, sed tio ne signifas ke mi nenion faris.  Fakte mi estis multe laborante kaj, do, post tago rigardante mian ekranon ne tro emis vespere denove fari tion... La tagojn kiam mi ne havis laboron, mi okupiĝis pri varbado kaj administraciaj taskoj kaj mi trovis pli bonan ritmon al miaj tagoj kaj semajnoj ol ĉe la komenco de la nuna krizo.

Legado


Lastatempe mi eltrovis ke la lokaj bibliotekaj provizas senpagan retaliron por membroj al diversaj gazetoj kaj ĵurnaloj. Tial, mi havis la eblecon senpage legi diversajn bonajn eldonaĵojn pri vojaĝado, kurado, ekonomio, mondaj novaĵoj...

Kompreneble, la biblioteko ankaŭ provizas senpagan prunteprenadon de bitlibroj, sed por multaj libroj oni devas longe atendi.  Kutime mi regule legas en la tri lingvoj kiujn mi profesie kaj persone uzas, t.e. en la angla, la franca kaj Esperanto. Iom post iom mi estas legante aŭ relegante verkaĵojn kiuj jam troviĝas en mia Esperantlingva bretaro.  De tempo al tempo mi ankaŭ klopodas legi librojn en la hispana kaj la kimra, por plibonigi mian lingvoscipovon.

Ĉi-semajne ankaŭ alvenis la novan epizodon de la mangao kiu tre plaĉas al mi: "Jesuo kaj Budao ferias".  Mi legas tiun serion en la franca lingvo kaj, do, devas atendi ke ĝi estu tradukita el la japana en la francan. Estas tre amuze.

Informiĝu!

Ankaŭ lastatempe, kompreneble, okazis teruraj eventoj en Usono, nome la murdo de George Floyd, kaj tutmonde oni protestas ilin. Multaj pli spertaj homoj ol mi komentis kaj komentas saĝe kaj informe.  Mi, do, simple urĝas vin legi, spekti, informiĝi, lerni.

Fine

Ĉi tiu estas mi, ofte!
language-learning









The Coronavirus Diaries: 07.06.20

So, I've been quiet for a bit, but only because I've been busy with work. On the days that no work has come in, I've been beavering away at marketing and seem to have restored a better rhythm to the days and weeks than at the beginning of the crisis.

And, hooray!  The new Jesus and Buddha manga arrived this week.  That'll keep me busy for the rest of the day 😊

Finally - this is me SO much of the time!

language


19/05/2020

La Kronvirusa Taglibro 19.05.20 / The Coronavirus Diaries


Farbado

Hieraŭ mankis al mi laboro, do mi farbis mian litĉambron blanka. Ne tro malplaĉas al mi farbado, sed mi abomenas la pretigadon, purigadon kaj ĝeneralan ĥaoson kiun la tasko kunportas. Sed nun ke estas farite mi devas konfesi ke estas multe pli belaspekta kaj hela. Hodiaŭ, feliĉe, alvenis laboro, do mi ne sentis min devigite fari simile en alia ĉambro!

Re al la 80-aj jaroj!

Mi iris kuradi lunĉhore aŭskultante la albumon Ora Team', kiu, fakte, plejparte havas bonan ritmon por kurado. Samtempe laŭtvoĉe kantadis, kiu havis tre utilan tujan socidistancigan efikon. Mi sukcesis kuri kvin kilometrojn, kiu abunde sufiĉas por hodiaŭ. Nun mi povos memkontente sidi en la ĝardeno (laborante) por la cetero de la posttagmezo.

Ho! Parolante pri Team', post longa serĉado mi trovis foton por montri al vi!

Universala Kongreso ĉe Brajtono, 1989










The Coronavirus Diaries: 19.05.20

Back to the 80s!

Ran around Splott listening to Ora Team - decent rhythms for running to on the whole.  Also sang along loudly. Turns out that Slovak/Esperanto music from the 80s is pretty effective for social distancing when sung loudly and slightly out of tune by a breathless runner. 5km.  Can sit in sunshine (working) feeling smug for the rest of the day now.

Please enjoy the above picture, of me with the band (😂) at the Brighton International Conference in 1989.

Printempo alvenas!

Kunloĝantoj en la norda hemisfero, ĉu ne januaro ĉijare estis unu el la plej longaj monatoj de via vivo ankaŭ? Malbona vetero, senluma ĉielo...